ကိုယ်သူ့အကြောင်း စဉ်းစားနေတာကို သူရိပ်မိသွားပုံရတယ်။ အော် ဟုတ်တာပေါ့။ ကိုယ်က မင်းအကြောင်းကို မေးခဲ့သလို မင်းလည်းပဲ ကိုယ့်အကြောင်းကို သိချင်နိုင်တာပဲ။ ဒီတော့ ကိုယ့်ကိုယ်ကို အလျင်မိတ်ဆက်ပါရစေ။ ကိုယ့်နာမည်က မာယာပါ။ သူက မာယာဆိုတော့ ကိုယ်က ကိုယ့်အတွေးနဲ့ကို ပြုံးမိတယ်။ ဒီတော့ သူက ဘာပြုံးတာလဲ။ မာယာဆိုတော့ ကိုယ့်ကို Civilize မဖြစ်သေးတဲ့ ခပ်တုံးတုံး မိန်းမတစ်ယောက်လို့ ထင်မိလို့လားတဲ့။ သူ့အမေးကို ကြားလိုက်တာနဲ့ပဲ ကိုယ်ထင်လိုက်တာ မမှားဘူးဆိုတာ ခိုင်မာသွား တယ်။ သူ့ကိုမြင်မြင်ချင်း အလယ်အမေရိကဖက်က လာတဲ့သူတစ်ယောက်ဖြစ်ရမယ်။ နောက်ပြီး သူဟာ ခပ်စွာစွာ (အဲ) ပိုပြီးဆီလျော် အောင်ပြောရလျင် ခပ်တုံးတုံး မိန်းမတစ်ယောက် ဖြစ်လိမ့်မယ် မဟုတ်ဘူးရယ်လို့ ထင်ခဲ့လိုက်တာ။
အလယ်နဲ့တောင်အမေရိကဖက်ကလာတဲ့သူတွေရဲ့ မျက်နှာပေါက်နဲ့ ခန္ဓွာကိုယ်အချိုးအစား၊ ဝတ်စား ဆင်ယင်မှုတွေဟာ အမေရိကန် စစ်စစ်တွေနဲ့ ဘာကွဲနေတယ်ဆိုတာ တိတိကျကျ မပြောပြနိုင်ပေမယ့် တစ်ခုခု မတူ တတ်တာ ကိုတော့ စိတ်ကအလိုလိုသိနေတယ်။ နောက်ပြီး အလယ် အမေရိကဖက်မှာ ဘီစီ ၂ဝဝဝ ခန့်က စတင်ထွန်းကားခဲ့တဲ့ မာယာ (တစ်နည်းအားဖြင့်) မေယာ ယဉ်ကျေးမှု အကြောင်းကိုလည်း ဖတ်ထား၊ သိထားဖူးခဲ့တာ။
သူက မာယာလို့ပြောတော့ ကိုယ်က ဒီအကြောင်းကိုသိထားလို့ ပြုံးတာနေမှာလို့ သူထင်သွားပုံရတယ်။ ဒါကြောင့် Civilize မဖြစ်သေးတဲ့ ခပ်တုံးတုံးမိန်းမတစ်ယောက်လို့ ထင်လို့လားလို့ မေးတာဖြစ်မယ်။ ဒီတော့ ကိုယ်က မာယာယဉ်ကျေးမှုနဲ့ ဆပ်စပ် ပြီး မဖြစ်သေးတဲ့ ခပ်တုံးတုံးမိန်းမတစ်ယောက်အထင်နဲ့ ပြုံးခဲ့တာတော့ မဟုတ်ဘူးနော်။ မင်းဆီမှာ အဲဒီလို ခပ်တုံးတုံး မိန်းမတစ်ယောက် လို့ ထင်မြင်စရာအချက်လည်း ဘာတစ်ခုမှ မတွေ့နိုင်ပါဘူး။ ဒါပေမယ့် မာယာဆိုတဲ့ မင်းနာမည်နဲ့ ပတ်သက်ပြီး ကိုယ့်အဓိပ္ပါယ်နဲ့ကိုယ် ပြုံးခဲ့တယ်ဆိုတာကိုတော့ ကိုယ်ဝန်ခံပါတယ်။
အဲဒီလို မာယာယဉ်ကျေးမှုနဲ့ ကိုယ့်အပြုံးကို ဆက်စပ်ပြီး သူတွေးမိလိုက်တာကိုယ်ကပဲ သူဟာ ခပ်ချာချာ မိန်းမတစ် ယောက် မဟုတ်နိုင်ဘူးဆိုတာ ပိုပြီးသေချာသွားစေတယ်။ ဆိုပါဦး၊ ကိုယ့်နာမည် မာယာဆိုတာနဲ့ မင်းဘာလို့ ပြုံးခဲ့တယ်ဆိုတာကို-တဲ့။ ဒီတော့ ကိုယ်က ကိုယ်သိထားထားတဲ့ မာယာဆိုတဲ့စကားရဲ့ အဓိပ္ပါယ်နဲ့ မာယာများခြင်းဟာ မကောင်းဘူးဆိုတဲ့ အကြောင်း၊ ကိုယ့်နိုင်ငံ မှာဆို မ်ိန်းမတစ်ယောက်အနေနဲ့ ဒီနာမည်မျိုး မှည့်လိမ့်မယ်လို့ မထင်ကြောင်း စတာတွေကို ပြောပြလိုက်တယ်။ ယောက်က်ျားပဲဖြစ်ဖြစ်၊ မိန်းမပဲဖြစ်ဖြစ်၊ မာယာများသူတစ်ယောက်လို့ အထင်ခံရမှာမျိုးကို မလိုလားတတ်ကြောင်းကိုလည်း ပြောခဲ့တယ်။ မင်းမှာ ဒီလိုမာယာများ တာမျိုးရှိလိမ့်မယ် မထင်ဘူးလို့လည်း ကိုယ်က လောကွတ်ချော်လိုက်တယ်။ မရှိဘူး မဟုတ်လားလို့လည်း လျှာက ရှည်ဖြစ်လိုက်သေး တယ်။ ဒီတော့ သူက၊ ဟင်း၊ သိပ်ရှိတာပေါ့။ ကိုယ့်ဆီမှာ မင်းပြောတဲ့ မာယာဆိုတာမျိုးတွေ များမှ အများကြီး။ မင်းမှာ အချိန်ရှိလျင် အဲဒီအကြောင်းတွေကို ပြောပြမယ်တဲ့။
သူ့စကားဆုံးတော့ ကိုယ့်စိတ်ထဲမှာ ၊ ဟ ၊ ဒီမိန်းမ ဘယ်လိုမိန်းမလဲ။ သူများတွေ မာယာများသူလို့ အထင်ခံရမှာ စိုးရွံ့ပါတယ်လို့ ပြောခဲ့ပါမှ သူ့မှာ မာယာတွေ များမှများ။ နောက်ပြီး အဲဒါတွေကိုပဲ ပြောပြဦးမတဲ့။ ကိုယ့်စိတ်ထဲမှာတော့ ခုမှ တကယ်မာ ယာများတဲ့ မိန်းမတစ်ယောက်နဲ့ မထင်မှတ်ပဲ လာဆုံမိနေပြီရယ်လို့ မှတ်ချက်ပြုလိုက်မိခဲ့တယ်။ ကိုယ့်နှုတ်ကတော့ အေး နောင်မှာ အကြောင်းတိုက်ဆိုင်လို့ ဆုံဖြစ်မယ်ဆိုလျင်တော့ မင်းပြောပြမယ့် မာယာဆိုတာတွေကို နားထောင်ချင်ပါသေးတယ်။ ခုတော့ အချိန်မရှိ တော့လို့ ကိုယ့်ကိုယ် ခွင့်ပြုပါဦးဆိုကာ သူ့အနီးနားကနေ (တိတိကျကျ ဆိုရလျင်) ကိုယ်ရပ်နေကျ နေရာလေးကနေ မထွက်ခွါချင်သေးပဲ ထွက်ခွါလာခဲ့တယ်။ သူ့စိတ်ထဲမှာ ဒါကိုပင် ယောက်ျားမာယာတစ်မျိုးလို့ ထင်ကောင်း ထင်နေမလားပါပဲ။ ။
No comments:
Post a Comment